Се враќа старото правило, премиерлигашите против пет замени
Премиерлигата официјално објави дека од следната сезона повторно менаџерите ќе можат во текот на официјалните натпревари да направат само три замени.
Поради пандемијата на коронавирус со цел да се избегнат што повеќе евентуални повреди со оглед на долгата пауза која ја имаа играчите, ФИФА ги информираше екипите дека им е дозволено да направат и пет замени.
Денешните информации велат дека клубовите во Премиер лигата се согласија да се врати старото правило од само три замени со максимум седум резервни фудбалери на клупата.
Една од причините за ваквата одлука е дека досегашното правило им носеше предност на поквалитетните екипи.
Од Светската куќа на фудбалот објави дека правилото за пет замени останува на сила до август 2021 година, но и дека не е обврзувачки тоа да се прави.
Стартот на новата сезона во Премиер лигата закажан за 12. септември