Се урнал кран во Далас, едно лице загинало, шест повредени
Едно лице загинало, а шест биле повредени и сместени во болница откако се срушил кран во стамбен комплекс во Далас во САД, пренесува „Би-Би-Си“.
Кранот паднал поради силното невреме. Властите соопштиле дека кранот пробил осум катови на комплексот кои се наоѓале во близина на градилиште.
Била оштетена и гаража, а во тек е истрагата за случајот.
Локалните медиуми пишуваат дека починала една жена, а од шесте хоспитализирани, две лица се во критична состојба.
Според првичните информации, причина за рушењето на кранот најверојатно биле силните ветрови, кои поради невремето предизвикале штета и снемување на електрична енергија.