Хрватскиот државен инспекторат предупреди за четири вида балони достапни во хрватските продавници бидејќи ослободуваат опасни количини на нитрозамини и нитрозатливи соединенија, хемикалии кои можат да предизвикаат рак ако дојдат во контакт со кожата или се вдишат, пренесува Индекс.

Според Инспекторатот, измерената количина на нитрозамини во балоните била 0,076 мг/кг, што е над дозволената граница. Децата се особено изложени на ризик бидејќи често ги допираат или ставаат балони во уста.

Производите се достапни во неколку продавници, а на клиентите им се препорачува веднаш да престанат да ги користат балоните. Инспекторатот вели дека балоните се продавале во пакување со хартиена етикета.