61-годишниот актер Кијану Ривс и неговата 52-годишна девојка, Александра Грант, се венчаа за време на патувањето во Европа. Свадбата се одржала неодамна, но веста дури сега стана јавна.

Кијану Ривс тајно се ожени со Александра Грант, изјавија извори за „Радар онлајн“ а неговите пријатели додаваат дека актерката му била голема  поддршка  и му помогнала да се излечи од трагедиите што му го променија животот, пренедува „Стил“.

Кијану и Александра првпат се запознале на забава во 2009 година и соработувале на книгата на Ривс „Ода на среќата“. Во минатото, актерот се соочил со низа тешкотии – предавство, мртвородено дете, смрт на близок. Размислувајќи за трагедиите со кои се соочил, актерот не верувал дека болката некогаш ќе се смири.

„Не мислам дека некогаш ќе исчезне. Тагата и загубата се работи што никогаш не исчезнуваат. Тие остануваат со тебе“, забележа тој.

Александра и Кијану се забавуваа долго време пред јавно да ја потврдат својата романса во 2019 година. Сега, извори тврдат дека двојката, позната по својата резервираност и неподготвеност да коментира за својот приватен живот, конечно одлучила да го направи следниот чекор.

„Свадбата се одржала во Европа ова лето, многу интимна и многу дискретна. Тие зборуваа за тоа со години, но на крајот сакаа нешто само за себе. Кијану и Александра ја ценат својата приватност, па затоа тајната свадба беше совршена опција за нив“, изјавиле пријателите на двојката.

Сите едногласно потврдуваат дека Александра е огромна поддршка за нејзиниот нов сопруг:

„По сè низ што помина Киану, таа е вистинска утеха за него. Сите негови пријатели забележуваат колку е среќен со неа – тој се смее повеќе, ѝ е порелаксиран. Александра е неговата вистинска карпа.“

Ривс, чија холивудска кариера трае повеќе од 40 години, е најпознат по франшизите „Џон Вик“ и „Матрикс“, додека Александра одамна стекна репутација како уметница и писателка.

Таа често се соочувала (и сè уште се соочува) со критики – коментарите постојано велат дека Александра не му одговара на холивудски актер и изгледа многу постаро од него, особено им пречи нејзината седа коса.

Сепак, зборовите на критичарите воопшто не ја загрижуваат Александра – таа постојано повторуваше на црвениот тепих дека се чувствува неверојатно самоуверено и пред камерите и покрај Ривс. И нема намера да го промени својот стил за да им угоди на коментаторите.

„Прерано побелев, уште на почетокот на 2000 година ја бојадисав косата во сите бои сè додека не ми досади токсичноста на боите. На 30 години, си дозволив да останам целосно бела“, објасни Александра.