Се ожени астронаутот од Аполо 11 Баз Олдрин со 30 години помлада невеста
Последниот жив астронаут од Аполо 11 го објави бракот со 63-годишната Анка Фаур
Легендарниот американски астронаут Баз Олдрин, член на мисијата Аполо 11 и вториот човек што чекорел на Месечината, денеска објави дека се оженил со својата долгогодишна партнерка во петокот, на неговиот 93-ти роденден.
Препорачано
Олдрин и Анка Форе, извршен потпретседател на „Buzz Aldrin Ventures“, го официјализираа својот брак на приватна церемонија.
„На мојот 93-ти роденден (…) Среќен сум што можам да објавам дека мојата долгогодишна сакана, д-р Анка Фаур, и јас се венчавме“, напиша астронаутот на Твитер, објавувајќи фотографија од него и Фаур, која има 63 години. Впловиме во светите брачни врски со мала приватна церемонија во Лос Анџелес (западниот дел на САД) и сме возбудени како тинејџери“, стои во објавата.
On my 93rd birthday & the day I will also be honored by Living Legends of Aviation I am pleased to announce that my longtime love Dr. Anca Faur & I have tied the knot.We were joined in holy matrimony in a small private ceremony in Los Angeles & are as excited as eloping teenagers pic.twitter.com/VwMP4W30Tn
— Dr. Buzz Aldrin (@TheRealBuzz) January 21, 2023
Според нејзиниот профил на LinkedIn, Анка Фаур има докторат по хемиски инженеринг од 1996 година на Универзитетот во Питсбург. Пред да се приклучи на Buzz Aldrin Ventures, таа работеше во хемиските компании Union Carbide и Johnson Matthey.
Трите претходни брака на Баз Олдрин завршија со развод.
Американскиот астронаут е последниот преживеан од мисијата Аполо 11, кога тој и Нил Армстронг станаа првите луѓе што стапнаа на Месечината на 20 јули 1969 година.
