Пејачката Чапел Роан се огласи откако фудбалерот Жоржињо Фрело ја обвини дека нејзиното обезбедување ја расплакало неговата 11-годишна поќерка.

Во објава на Инстаграм, пејачката ја даде својата верзија на настанот, наведувајќи дека обезбедувањето не било дел од нејзиното лично обезбедување и дека таа не видела што наводно се случило.

– Не го замолив обезбедувањето да дојде и да разговара со таа мајка и дете. Навистина не го направив тоа. Тие не дојдоа, не направија ништо – рекла таа.

Роан додаде дека е „неправедно“ што обезбедувањето претпоставило „дека некој имал лоши намери, кога немало причина за тоа бидејќи никој не направил ништо“.

– Не ги мразам луѓето кои се обожаватели на мојата музика. Не мразам деца. Тоа е лудост. Жал ми е за мајката и детето, што некој претпоставувал нешто, што би направиле нешто и што се чувствувале непријатно. Тоа ме прави навистина тажна. Не го заслужувавте тоа – додала таа.

Нејзината изјава дојде откако поранешниот фудбалер го опиша она што го нарече „вознемирувачки“ инцидент во кој учествувале неговата сопруга Кетрин Хардинг, позната и како Кет Кавели, и нејзината 11-годишна ќерка која ја доби со актерот Џуд Ло. Семејството престојувало во истиот хотел во Сао Паоло како и Роан за време на музичкиот фестивал „Лолапалуза“.