Во отсуство на многу светски лидери и жестока дебата за мировниот план на САД за Украина, денеска почнува дводневниот самит на Г20 на водечките економии, објави ДПА.

Владата на САД нема да учествува на самитот на Г-20 во Јужна Африка, изјави портпаролката на Белата куќа, Каролин Левит.

Левит, исто така, го обвини јужноафриканскиот претседател Сирил Рамафоса дека „зборува без размислување“ и додаде дека Белата куќа не го сфаќа ова позитивно.

Г-20 е глобален форум на 19 најголеми национални економии плус Европската и Африканската унија, кој ги обединува министрите за финансии и гувернерите на централните банки за координација на меѓународната економска политика и финансиската стабилност.

Претседателството ротира секоја година и за 2025 година го држи Јужна Африка под водство на претседателот Сирил Рамафоза.

Покрај самитот на лидерите, во рамките на Г-20 се одржуваат и министерски состаноци на теми како финансии, туризам, труд и трговија

Самитите често привлекуваат внимание на јавноста и дипломатски реакции и можат да се одбележат со засилени безбедносни мерки.