Садики и Сејдиу велат дека општините Студеничани и Желино се отчетни и транспарентни
Азем Садики, градоначалник на скопската Општина Студеничани, вели дека администрацијата на оваа општина е максимално посветена со сите свои капацитети да биде во служба на граѓаните.
– Како градоначалник, вложувам максимални напори да ja надгледувам општинската администрација за што е можно побрзо да ги извршуваат услугите кон граѓаните, за да не чекаат граѓаните за било каква услуга кога им е потребна. Исто така, посветуваме посебно внимание и за комуналните услугите што ги даваме на граѓаните преку Комуналното претпријатије. За најважните одлуки како што се планирање на буџетот и програми за развој, вложувам максимални напори да дадам доволно простор на предлозите од граѓаните кои постојано ги консултирам на состаноците и посетите во населените места на општината. Транспарентноста е максимална. На веб-страницата на општината и на социјалните мрежи постојано ја информираме јавноста за сите дневни активности на општината, изјави за „Слободен печат“, Азем Садики, градоначалник на општина Студеничани.
И градоначалникот на тетовската општина Желино, Блерим Сејдиу вели дека неговата општина е одговорна и транспарентна пред граѓаните. Тој за „Слободен печат“ вели дека, иако како општинска власт се соочуват со предизвиците на ковид-19, сепак се во првите редови за да и служат на граѓаните со сите капацитети.
– Општина Желино е една од најтранспарентните општини на државно ниво врз основа на индексите на домашните и на меѓународните организации. Ние сме посветени на тоа да бидеме што е можно поотворени и транспарентни кон јавноста, овозможувајќи на граѓаните да бидат што е можно поинформирани за одлуките, изработката на буџетот, каде ги охрабруваме нашите граѓани да бидат вклучени во предлог/одлуките за стратешки ориентации на нашите проекти. Отчетност даваме со годишен извештај за целата работа и проекти што се реализирани или се реализираат, организираме и отворени дебати со граѓанско учество, информира Сејдиу.