17.8 C
Скопје

САД нудат три милиони долари за информација за нападите во Ирак

Американскиот Стејт департмент објави дека нуди награда до три милиони долари во рамки на програмата „Награди за правда” (Rewards for Justice) за информации за напади врз Американци во Ирак.

Соопштението дојде еден ден по нападот со три беспилотни летала со експлозив на аеродромот во Багдад, каде што се сместени американски трупи.

„О, верен народ на Ирак, кукавичките терористи ги напаѓаат дипломатските мисии на САД во Ирак, а потоа бегаат да се сокријат меѓу цивилите”, пишува на арапски на Твитер профилот „Награди за правда”.

„Америка нуди награда до три милиони долари за информации за планирани или минати напади врз американски дипломатски мисии”, се вели во видео-соопштението.

Од почетокот на годинава, вкупно 42 напади биле упатени кон американската амбасада во Багдад, ирачките бази со американски трупи или ирачките конвои кои носеле превезувале логистичка поддршка.

Последниот напад беше извршен вчера со три беспилотни летала полни со експлозив, соопшти денеска ирачката армија.

Во соопштението се вели дека едно од беспилотните летала синоќа било пресретнато од противракетниот систем. Ова е четврти ваков напад со беспилотно летало за помалку од два месеци. 

Поврзани вести

Состојбата му е сериозна: Четиринаесетгодишно момче од Загреб испило литар вотка и завршило во болница

Катерина Стевовска

ВИДЕО | Заев: Ја враќаме довербата меѓу македонскиот и бугарскиот народ

Слободен печат

СЗО: Делта сојот полека станува доминантен во светот

Слободен печат

ВИДЕО | Ѓорчев: Бугарија има проблем со реалноста за постоењето на македонската нација и македонскиот јазик

Слободен печат

Санкционирани 83 возачи на автопатот Скопје – Велес поради брзо возење

Слободен печат

ВИДЕО | Трагедија во Перу: Во автобуска несреќа загинаа 17 патници

Слободен печат

Остави Коментар