„Сѐ повеќе вируси ќе се пренесуваат од животни на луѓе“: Научничката што стои зад вакцината од Оксфорд со мрачна прогноза (ФОТО)

EPA-EFE/ALEX PLAVEVSKI ATTENTION: This Image is part of a PHOTO SET

Заради модерниот стил на живот во блиската иднина веројатно ќе има уште повеќе вируси кои ќе преминуваат од животни на луѓе и ќе предизвикуваат пандемии, предупреди научничката која стои зад вакцината против Ковид-19 која ја развива Универзитетот Оксфорд.

Професорката Сара Гилберт вели дека растот на глобални патувања со себе го носи ризикот од појавување на инфекции. Таа вели дека моменталната пандемија на коронавриусот покажа колку меѓународните патувања го забрзуваат ширењето на вирусот кој е тежок да се искорени на местата со голема популација, пренесува Дејли мејл.

Последниве години болестите кои ги пренесуваат животните стануваат се повообичаени заради нивното се почесто одгледување и сечење на шуми, што се два фактори кои ги ставаат животните блиску едни со други, како и со луѓето.

Иако потеклото на вирусот кој го предизвикува Ковид-19 се уште не е познат, научниците се согласуваат дека од лилјак преминал на друго животно, а потоа на луѓето.

– Гледајќи како работите функционираат во светот, во иднина можеме да очекуваме појавување на епидемии на зоонозни инфекции, рекла Гилберт.

– Поголемата густина на жители, повеќе патувања, сечење на шумите, сите тие работи ја зголемуваат веројатноста дека ќе дојде до епидемија, навела таа.

Гилберт оваа недела изјавила дека нејзиниот тим наскоро ќе ја претстави својата вакцина против Ковид-19 наречена АЗД 1222.

Фото: EPA-EFE/Mauricio Dueñas Castañeda

Ковид-19 досега се покажа како најсмртоносна зоонозна болест од која починаа околу 850.000 луѓе во светот, а заразени се повеќе од 25 милиони. Тука се и други примери како ебола, која потекнува од мајмуни, МЕРС од камили, вирусот Западен Нил кој го пренесуваат комарци и беснило кај кучињата. Секоја година од зоонозни болести умираат околу два милиони луѓе, најмногу во сиромашните земји, наведува Дејли мејл.

Обединетите нации во јули предупредија дека бројот на такви епидемии ќе се зголемува ако не ја заштитуваме природата и дивите животни.

Фото: EPA-EFE/Mauricio Dueñas Castañeda

Уништување на живеалиштата ги тера животните да имаат поблизок контакт со луѓето што го зголемува ризикот од пренесување на болести, а климатските промени се уште еден фактор кој може да допринесе на тоа. Поплавите, кои се последица на екстремни временски услови, стануваат се повообичаени, а освен човечките живеалишта, тие ги уништуваат и животинските.

И човечката активност е фактор, преку лов и јадење на месо на дивечот, па и преку илегална трговија на диви животни. На пазарот во Вухан, за кој се смета дека е изворот на потеклото на коронавирусот, можеле да се купат змии, дабари и млади крокодили.

Фото: EPA-EFE/ALEX PLAVEVSKI

 

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот