Препаратот за лекување на корона вирусот со моноклонални антитела што го направи Рускиот научен центар „Гамалеја“ е подготвена за клиничко тестирање, изјави заменик директорот на овој центар Денис Логунов.

– Во експериментите со трансгенски животни покажавме дека лекот обезбедува 100 процентна заштита. Наскоро ќе започнеме со клинички испитувања. Се надевам дека ќе добиеме одобрение во јануари – изјави Логунов на средбата со рускиот претседател Владимир Путин.

Логунов изрази надеж дека лекот ќе биде регистриран во следните три до пет месеци, а се зависи од тоа колку брзо ќе најдат доброволци за тестирање.

Дополнително, овој научен центар работи на нов лек против ковид -19 врз основа на избрани хемиски соединенија.

Според Логунов, доколку успешно ги помине тестовите, лекот може да се регистрира до крајот на 2022 година.