Русија го зголемува извозот во нови дестинации, вклучувајќи ги земјите од Јужна Азија, Африка и Латинска Америка, изјави за Спутник државниот секретар и заменик-министер за индустрија и трговија на Русија, Роман Чекушов.

-Развиваме извоз во земји кои претходно не беа популарни кај нашите производители. Потенцијалните пазари вклучуваат Јужна Азија, Африка и Латинска Америка. Ако зборуваме за конкретни земји, тоа се Сенегал, Јужна Африка, Танзанија, Тајланд, Индонезија и Малезија- рече Чекусов.

Според него, овие земји овозможуваат покривање на целиот континент, како што е случајот со африканските земји, или се моќни центри за реекспорт кои овозможуваат пристап до пазарите на трети земји.

За поуспешен влез на овие пазари, Русија обезбедува субвенции за развој на нови рути, објасни заменик-министерот.

-Очекуваме дека склучувањето на договор за слободни трговски зони, спроведувањето на заеднички меѓународни проекти и заедничката работа на сите извозници и развојни институти ќе доведат до синергистички ефект, а достапноста на руски производи на странските пазари ќе се зголеми- заклучи Чекушов- пренесе Политика.