Русија иницираше распоредување на своите војници под знамето на „Африканскиот корпус“ во јужна Либија.

Пред само неколку дена, руски товарни авиони слетаа во Брак ал-Шати, истоварувајќи голем број војници, додека товарните бродови со опрема се закотвија во пристаништето Тобрук на источниот брег на Либија.

Опремата и вооружувањето на „Африканскиот корпус“ на руските вооружени сили, испорачани од десантните бродови Иван Грен и Александар Отраковски, вклучува лесни и тешки возила, како што се пикапи, камиони ГАЗ и КАМАЗ, како и ЗУ-23-2 анти- авионска артилерија.

Претходно, се појавија извештаи за распоредување на единиците на рускиот „африкански корпус“ во Буркина Фасо и Нигер.

Русија консолидира застрашувачко воено присуство во Африка засновано на платеници од групата Вагнер и планира да ја воспостави основната структура на „Африканскиот корпус“ до престојното летото, со операции кои се протегаат надвор од Либија до Буркина Фасо, Мали, Централноафриканската Република и Нигер.

Во моментов, во источна Либија, аналитичарите проценуваат дека руското присуство се движи од 1.000 до 1.500 војници, а воздушните бази како Ал-Џуфра ги олеснуваат руските воени летови пред да продолжат на југ кон другите нации.

Стратешката цел на Кремљ е да го зајакне своето влијание на африканскиот континент, каде што веќе контролира дел од рудници за дијаманти, резерви на нафта и вредни минерални наоѓалишта, користејќи воена сила за да ги обезбеди и прошири своите интереси во регионот.