Португалецот Рубен Аморим доби отказ на местото менаџер на Манчестер јунајтед, официјално соопштија денеска од англискиот фудбалски клуб.

Аморим си заминува ден после ремито во Лидс, во кое Јунајтед дури имаше помош од судиите за да избегне пораз, но и поради неговата провокативна изјава за управата на клубот дека „секој си ја работи својата работа, а дека неговата е да биде менаџер“, односно да прашува за засилувања.

Аморим отиде дотаму што рече дека нема да поднесе оставка, и покрај лошите резултати и само трите победи во последните 11 натпревари, но раководството на Јунајтед одлучи да му врачи „писмо за благодарност“.

Манчестер јунајтед моментално е на шестото место на табелата во Премиер лигата, а резултатите досега оваа сезона не ги исполнија очекувањата на раководството на клубот.

Аморим го напушта клубот по хаотични 14 месеци на и надвор од теренот, победувајќи само на 24 од 63 натпревари, што е процент на победи од 38,71%.

Според „Атлетик“, тимот ќе го предводи Дарен Флечер, кој моментно е задолжен за младинскиот тим на Јунајтед до 18 години, како привремен тренер до крајот на сезоната.

Јунајтед го очекува нов лигашки натпревар во среда, кога ќе го пречека Барнли на домашен терен, во рамките од следното коло во Премиер лигата.

Club statement: Ruben Amorim.

— Manchester United (@ManUtd) January 5, 2026

🚨💣 BREAKING: Rúben Amorim has just been SACKED by Manchester United.

Decision made this morning. pic.twitter.com/Xmz3x8mkO6

— Fabrizio Romano (@FabrizioRomano) January 5, 2026