Познатиот фудбалски судија со значката на ФИФА и на УЕФА, Овидиу Хацеган доживеа срцев удар по што веднаш бил опериран во неделата вечерта во Темишвар.

Според романските медиуми, на Хацеган му се слошило за време на тренинг кога почувствувал болки во градите. Бидејќи тој по професија е лекар веднаш заминал во болница каде по извршениот ЕКГ преглед му било откриено дека има затната вена по што со оперативен зафат му бил вграден стент .

Хацеган моментно се наоѓа во болница, а неговата здравствена состојба е стабилна.

Хацеган пред десет дена го судеше мечот од осминафиналето во Лигата на Европа помеѓу Олимпик Лион и Порто. Романецот беше активен и во Лигата на шампионите, тој сезонава судеше на шест натпревари, а последен му беше осминафиналниот дуел помеѓу Атлетико Мадрид и Манчестер јунајтед.