Како што известува експертот за фудбалски трансфери, Фабрицио Романо, македонскиот репрезентативец Елиф Елмас денеска патува во Наполи за да ја комплетира позајмицата од РБ Лајпциг.

Како што од претходно е објавено, Елмас се враќа во неговиот поранешен клуб, во новата сезона ќе игра како позајмен играч во тимот од Неапол од германскиот клуб РБ Лајпциг.

Нашиот 25-годишен играч и минатата сезона настапуваше на позајмица во Торино со 19 настапи и четири голови во Серија А.

Наполи за позајмицата ќе плати два милиони евра, и ќе ја има опцијата следното лето да го откупи договорот на Елмас за 16 милиони евра.

Наполи предводен од тренерот Антонио Конте ја почна сезоната во италијанското првенство со гостински триумф од 2:0 против Сасуоло. В сабота дома од 20.45 часот во второто коло ќе го пречека Каљари.

Елмас наскоро го очекува нови настапи со нашата А селекција која на 4 септември во Прага, Чешка, ќе игра пријателски натпревар против Саудиска Арабија, а на 7 септември на Националната Арена „Тодор Проески“ – Скопје ривал е Лихтенштајн во рамките од квалификациите за пласман на Светското првенство 2026.

🔵⚪️✈️ Eljif Elmas travels to Napoli today in order to complete his move, deal agreed as reported yesterday. 🇲🇰 pic.twitter.com/NLn95yZTd8

— Fabrizio Romano (@FabrizioRomano) August 29, 2025