Николае Дика, еден од помошниците во стручниот штаб на романската селекција ги сподели очекувањата во пресрет на утрешниот прв квалификациски натпревар (20.45 часот) за пласман на Мундијалот во Катар против селекцијата на Македонија.

Нашата селекција е веќе во Букурешт каде што денеска ќе го има и официјалниот тренинг.

Дика знае од каде ќе доаѓа најголемата опасност во текот на утрешниот меч:

– Имаме амбиции да се пласираме на Светското првенство. Пандев е еден од најважните играчи во репрезентацијата на Македонија, но мислам дека Елмас е најопасниот. Тој игра во Наполи и на последните 30 метри може да ја направи разликата. Мораме да размислуваме со намерата дека ќе победиме на овој меч. Сакаме да бидеме агресивни од стартот во овој квалификациски циклус, желбата се девет максимални бодови, но би бил задоволен и со седум во првите три натпревари – се зборовите на Дика.

Покрај дуелот со нашата селекција, Романците на 28 март ќе бидат домаќини и на Германија, а на 31 март во Ереван ќе се соочат со Ерменија.