Роџерс е лут како рис: Самоубиство е што за 48 часа ќе играме со Сити и Ливерпул
Менаџерот на Лестер, Брендан Роџерс, смета дека „самоубиство“ што неговите фудбалери мора да играат против Ливерпул само 48 часа по натпреварот против Манчестер сити во Премиер лигата.
Лестер вечерва од 21 часот ќе го пречека Ливерпул, откако пред два дена загуби со 3:6 од Манчестер сити. Роџерс за дуелот со Сити не можеше да смета на неколку стандардни првотимци поради повреда или болест, а се очекува иста да биде ситуацијата и за вечерашниот натпревар.
– Распоредот е смешен и тоа сите го знаеме. Фудбалерите не се потполно опоравени 72 часа по натпревар, така што е смешно да мора да играме против Ливерпул вечерва. Морам да ги подготвам играчите така што нема да имаме никакви физички тренинзи. Само опоравување и теорија – изјави Роџерс.
Роџерс има големи проблеми со повредите, Рајан Бертранд не настапи против Сити бидејќи го повреди коленото на загревање, додека Џејми Варди и Вилфред Ндиди не беа ниту на клупата, а надвор од комбинација за настап се и Рикардо Переира, Чаглар Сојунчу, Џони Еванс и Весли Фофана.
Лестер моментно се наоѓа на 10 позиција на табелата со 22 бода, додека Манчестер сити е лидер со 47 бода, а Ливерпул е на делба на второто место со 41 бод.