Роберт Патинсон и Суки Вотерхаус станаа родители: Бојата на количката го откри полот на бебето?
Англискиот актер Роберт Патинсон (37) и неговата свршеница, пејачката Суки Вотерхаус (32) станаа родители на нивното прво дете, објави „Дејли мејл“.
Странските медиуми објавија и фотографија на која Патинсон турка светло розова бебешка количка, а фотографијата можете да ја погледнете тука.
Пејачката чекорела веднаш до својот вереник и детето, а поради бојата на количката многумина шпекулираат дека двојката добила девојче. Младите родители биле во спортско модно издание.
Да потсетиме, Вотерхаус откри дека е бремена пред четири месеци, за време на нејзиниот настап на музичкиот фестивал „Корона капитал“ во Мексико Сити.
„Денеска решив да облечам нешто светкаво бидејќи мислев дека тоа може да го одвлече вниманието од нешто друго што се случува“, рече ѕвездата на телевизиската серија „Дејзи Џонс енд Д сикс“ („Daisy Jones & the Six“) на сцената, покажувајќи кон својот стомак, како што се гледа на видеото објавено на социјалните медиуми.
“I decided to wear something practically sparkly today to try to distract you from something else thats what’s going on. I’m not sure if it’s working”
WE ALL KNEW BUT ITS OFFICIAL NOW, She’s SO MOTHER!🥰✨🤍 pic.twitter.com/xGEZHbQume
— dose of suki waterhouse (@doseofsuki) November 19, 2023
Патинсон и Вотерхаус се во романтична врска повеќе од пет години. Двојката е романтично поврзана откако првпат беа забележани заедно во Лондон во 2018 година, и оттогаш ја чуваат приватноста за себе. Како што објави „Пипл“, тие наводно се вериле во декември минатата година.
Вотерхаус зборуваше за Патинсон во интервју за „Тајмс“ во февруари минатата година, велејќи дека е „шокирана“ што била „толку среќна со некого речиси пет години“.
„Секогаш сум неверојатно возбудена кога ќе го видам неговото име на мојот телефон и мислам дека тој го чувствува истото за мене“, рече таа тогаш, додавајќи: „Секогаш имаме толку многу да кажеме и го сметам за многу смешен“.