Ракометарите на Вардар славеа со високи 23:33 во претпоследното коло во ракометката Суперлига и се приближија на само еден чекор од освојување на двојната круна.

Вардарци со победата во Битола во големото дерби против Е. Пелистер го прескокнаа ривалот на табелата, а минатиот викенд над истиот противник триумфираа во Купот на Македонија. Двојната круна ќе ја освојат доколку во последното коло, на домашен терен го совладаат тимот на Тиквеш.

„Црвено-црните“против Бутел постојано имаа предност, која се движеше од 2-3 гола, но на одмор заминаа со сигурни 12:16.

Во вториот дел, Вардар брзо поведе со 17:22, а домашниот тим успеа само да дојде до минус три (19:22), по што „црвено-црните“ уфрлија во „ брзина“ и дојдоа до убедлив триумф од 23:33.

Најефикасен во редовите на Вардар беше Тимур Дибиров со седум гола, додека кај Бутел се истакна Мирко Мајиќ со пет постигнати голови.