Ракометниот клуб Еурофарм Пелистер денеска ја известува јавноста дека по поразот во полуфиналето на Купот на Македонија во Струмица, тренерот на екипата Стевче Алушовски поднесе оставка од својата позиција.

Клубот од Битола ја прифати оставката и му се заблагодари на Алушовски за професионалната работа.

До крајот на оваа натпреварувачка сезона екипата ќе ја води асистентот на Алушовски, Алексо Лембанов.

Потсетување, во полуфиналето од македонскиот ракометен куп, Еурофарм Пелистер загуби од ГРК Охрид со 26:19.

Алушовски седна на клупата на почетокот на јануари годинава, го водеше тимот и во Лигата на шампионите и за тој период имаше два порази против Висла и Барселона, и ремизираше со ГОГ и ПСЖ. На крајот Еурофарм Пелистер не успеа да обезбеди место во плејофот и го освои претпоследното седмо место со шест бодови во групната фаза.

Битолската екипа во домашниот шампионат ја очекува уште пет натпревари, следниот ќе го има на 25 април на домашен терен против Тиквеш. На табелата води Вардар 1961 со 52 бодови, пред Еурофарм Пелисер и ГРК Охрид кои имаат по 44.