На последниот натпревар на домашен терен во првата фаза од македонската ракометна Суперлига, РК Алкалоид убедливо го совлада РК Вардар Неготино со конечен резултат 40:16 во салата „Автокоманда“ во Скопје.

На овој натпревар кај екипата на Кирил Лазаров, најефикасен беше Мартин Серафимов со седум голови, додека Дарио Кофилоски постигна шест.

На спротивната страна за составот на Вардар Неготино блескаше Драган Кузманов со пет погодоци, еден помалку запиша Петре Пеовски.

Со овој триумф, на едно коло до крајот, РК Алкалоид го верификуваше второто место во групата „А“ и во плеј-офот ќе пренесе два бода.

На табелата Алкалоид е второпласиран со 33 бодови, шест помалку од водечкиот Вардар 1961, додека Вардар Неготино е на претпоследното седмо место со три бодови.