Русија е подготвена да преговара со официјален Вашингтон, но тоа не мора да биде по секоја цена, изјави рускиот заменик министер за надворешни работи Сергеј Рјабков.

Рјабков оцени дека САД треба да го направат првиот чекор кон нормализирање на односите и рече дека Москва е подготвена за преговори, пренесува Интерфакс.

„Русија е подготвена да разговара со САД во тежок режим на преговори, земајќи ја предвид реалноста на ситуацијата во врска со Украина, однапред одредениот американски избор и нашиот национален интерес“, рече Рјабков.

Тој додаде дека одлуките сега мора да ги донесат американскиот претседател Трамп и неговиот тим.

Претходно во средата, портпаролот на рускиот Кремљ, Дмитриј Песков, изјави дека контактите меѓу Русија и САД се во тек на ниво на одделни ресори и неодамна се интензивирани.

„Контактите меѓу одделните ресори постојат и се интензивираа неодамна“, изјави Песков за новинарите, коментирајќи ја изјавата на американскиот претседател Доналд Трамп дека САД водат конструктивни преговори со руската и украинската страна, пренесува Танјуг.