Ристовски: Ова е поттик за понатаму, не смееме тука да запреме
Македонија ја слави големата победа над првиот фаворит во групата Германија од 1:2 вчера во Дуизбург во рамките од квалификациите за Светското првенство.
И Стефан Ристовски многу придонесе во делот на одбраната, спречувајќи ги бројните налети на квалитетните германски репрезентативци.
Дефанзивецот на Динамо Загреб вели дека за вакви натпревари се живее и дека дури сега сфаќаме каков успех направивме.
– Ние победивме гигант на светскиот фудбал, повеќекратен европски и светски шампион. Голем успех за Македонија. Ова треба да ни даде поттик за понатаму, поголема сила и не смееме тука да запреме.
Квалитетот и талентот го покажавме на најдобар начин – се зборовите на Ристовски на официјалната фејсбук страница на Фудбалската репрезентација на Македонија.
Пандев: Храбрите ги следи среќата, оваа генерација заслужува многу поголем респект