РФМ парично ги награди ракометарите за пласманот на Светското првенство 2023

Македонија по осмипат ќе игра на Мундијалите/Фото: EPA-EFE/GEORGI LICOVSKI

Ракометната федерација на Македонија ја исплати наградата од 50.000 евра на машката сениорска репрезентација за пласман на Светското првенство во 2023 година кое ќе се одржи во Полска и Шведска.

По претходно донесена одлука на Управниот Одбор, денеска РФМ ја исплати наградата на репрезентацијата која по осмипат ќе игра на Мундијалите.

Избраниците на селекторот Кирил Лазаров кој е воедно и играч, обезбедија пласман на СП совладувајќи ги репрезентациите на Романија и Чешка во бараж квалификациските натпревари.

Според најавите нашите најдобри ракометари своите противници на Мундијалот ќе ги дознаат на 2 јули во Катовице, Полска.

И натаму не се комплетирани сите учесници на светскиот ракометен собир, пет репрезентации треба да дојдат уште од африканската зона, еден учесник од Северна Америка, а на две селекции ќе им бидат доделени „вајлд-карти“.

Се очекува Македонија да се најде во вториот шешир пред жрепката заедно со Катар, Хрватска, Белгија, Бразил, Португалија, Полска (домаќин) и Црна Гора.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот