Решфорд: Ливерпул не заслужи да освои бод – Слободен печат
СпортФудбал

Решфорд: Ливерпул не заслужи да освои бод

Напаѓачот на Јунајтед смета дека неговиот тим требаше да слави.

Манчестер јунајтед на „Олд Трафорд“ одигра 1:1 против Ливерпул и така ја прекина низата на овој тим од осум врзани победи.

Екипата на Оле Гунар Солскјер беше и поблиску до победата, но Редси во завршницата сепак стигнаа до израмнување и бод.

Поведоа домаќините со голот на Маркус Решфорд во 36. минута, а Лалана во 85. минута израмни на 1:1, па така Ливерпул остана непоразен иако не покажа игра каква што се очекуваше.

Решфорд после мечот рече дека неговиот тим повеќе покажа на теренот, доволно за освојување на трите бода.

– Се чувствуваме разочарани, ги заслуживме трите бода. Мислам дека противникот не беше доволно добар да освои бод или да триумфира, но ова е фудбал. Се надеваме дека наредната седмица ќе се вратиме на победничките патеки – рече Решфорд за „Скај Спортс“.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close