Минатата година, по 18 години од кражбата федералните обвинители го обвинија Тери Мартин (76) од Минесота за кражба на култните црвени чевли од филмот „Волшебникот од Оз“, кои биле дел од поставката на музејот „Џуди Гарланд“ во Гранд Рапидс, Минесота.

Во октомври 2023 година, Мартин се изјаснил за виновен и објаснил дека користел чекан за да ја пробие вратата на музејот, пред да ја скрши витрината и да ги украде чевлите кои биле осигурани на 1 милион долари.

Дури по 19 години поранешниот криминалец открил која е причината што се одлучил за кражбата. Тој кажал дека паднал во искушение да ги украде чевлите, откако негов стар соработник го излажал дека се украсени со вистински, скапоцени камења. Кога сфатил дека тоа се најобични стакленца, веднаш ги фрлил, пишува „Торонтно сан“.

Инаку, неговите бранители тврделе дека тој се откажал од криминалот, но дека се согласил да го направи „последниот грабеж“ на убедување на неговиот соработник.

„Отпрвин одбиваше да учествува, но старите навики тешко умираат. Помислата за уште една работа го држела буден. По долго размислување се согласил“, објасни адвокатот.

Тој додаде дека Мартин не го гледал култниот филм и дека не бил свесен за културното значење на украдените чевли. Обвнителите бараат од судијата да му изрече соодветна казна, иако Мартин се вели дека е тешко болен. Лекарите проценуваат дека ќе живее уште шест месеци, а кислород постојано му е потребен поради хронично нарушување на белите дробови.

Инаку, црвените чевли се централен фокус во филмот „Волшебникот од Оз“, со сцената, кога Дороти ќе ги спои петите од чевличките и ќе рече „нема место како дома“, таа се враќа назад во Канзас.

Reformed mobster went after ’one last score’ when he stole Judy Garland’s ruby slippers from ’Oz’ https://t.co/ldLE2GQInM pic.twitter.com/yHHFv43Hh9

— Toronto Sun (@TheTorontoSun) January 21, 2024

ВИДЕО | По 18 години пронајден крадецот на култните црвени чевли од „The Wizard of Oz“