Во продолжение од Светското првенство репрезентацијата на Англија ќе биде без дефанзивецот Бен Вајт кој поради лични причини се вратил дома.

Фудбалерот на Арсенал нема да се врати во Катар за следните натпревари на Англија, а засега не се откриваат повеќе детали.

Веста ја потврди и Арсенал барајќи да се почитува приватноста на фудбалерот. Најавите од Англија се дека наскоро Вајт ќе се огласи во јавноста и ќе ги соопшти причините за неговото неочекувано заминување.

Во првите три кола 25-годишниот дефанзивец не запиша настап за Англија која како првопласирана продолжи во нокаут фазата.