Како што информира португалската „А Бола“, македонскиот одбранбен репрезентативец има уште една понуда од Русија.

Овие денови се шпекулира дека Динамо Москва покажува интерес за Стефан Ристовски, но тука не застанува рускиот интерес за услугите на досегашниот дефанзивец на Спортинг Лисабон.

Редовниот учесник во групите на Лигата на шампионите и Лига Европа, Спартак Москва, исто така ја следи ситуацијата со 28-годишниот Ристовски.

Администрацијата на Спортинг ја чека потребната понуда која треба да биде помеѓу 2,5 милиони и три милиони евра, во спротивно лисабонските „лавови“ нема да се откажат од нашиот десен бек.

Останува да се види дали до 17 октомври 2020 година кога ќе се затвори преодниот рок во Русија, Македонецот ќе направи трансфер во таа земја. Има некои движења помеѓу шефовите на двата клуба и агентот на играчот, па многу е веројатно дека во следните неколку дена формална понуда ќе пристигне во Алваладе.