Рецепт за зелени палачинки, поразлични од сите други: Цел ден ќе „пукате“ од енергија
Дали некогаш сте пробале зелени палачинки? Многу лесно се подготвуваат, богати се со витамини, а децата ќе ги обожаваат.
Доколку сакате да ги искористите намазите од фрижидерот или ви се јаде нешто друго што не е тортилја, рецептот за овие солени палачинки е идеалното решение за брз, а иновативен појадок.
Состојки:
– 1 јајце
– 50 мл млеко
– 8-10 листови свеж спанаќ
– 1 лажица брашно
– парче кашкавал
Подготовка:
Сите овие состојки ставете ги во блендер. Ќе знаете дека смесата е добра доколку наликува според густината на тестото за оригиналните палачинки. Оваа количина е доволна за три палачинки, а мерењата можете да ги зголемите според вашите потреби.
Тава за палачинките подмачкајте ја со масло. Печете ги на средна температура.
Филувајте ги со кисела павлака, крем-сирење, додадете шунка или што и да ви падне напамет.