Рецепт за солена торта од компири, однадвор крцкава, внатре мека
Компирите се една од омилените намирници во нашето поднебје. Подеднакво се користат за слатки и солени специјалитети, кога се во текот посни, но и мрсни денови.
Еден од начините за нивно консумирање е и оваа солена торта, чија подготовка е многу брза, а резултатот е фантастичен. Одличен избор е за појадок, ручек и вечера, може да се послужи како прилог, но и како главно јадење.
Состојки:
– 1 килограм компири
– 2 децилитри кисела павлака
– 2 децилитри павлака за готвење
– 1 чешне лук
– 180 грама кашкавал
– 1 лажица мешавина од мелен ким, црвена пиперка, кари, босилек
– 40 грама путер
– мускатно оревче
– сол, бибер
Подготовка:
Излупените компири исечете ги на тенки кругови. Ставете ги во сад и прелијте ги со ладна вода. Оставете да стојат 5 минути, а потоа добро исцедете ги. Исчистете го лукот и исечете го на половина. Округлиот калап за торти премачкајте го по дното и рабовите со половинките од лукот, енергично стискајќи за да излезе целата арома, па калапот премачкајте го со маргаринот.
Компирите, киселата и павлаката за готвење измешајте ги во садот, зачинете со солта, биберот, изренданото мускатно оревче и мешавината од зачините. Добро измешајте и префрлете во калапот. Остатокот од павлаката од дното на садот сипете го по компирите, посипете го ренданиот кашкавал и парчињата маргарин.
Загрејте ја рерната на 180 степени и печете ги компирите околу 45 минути, додека не бидат меки, а по врвот со златно-жолта боја. Кога ќе се испечат, оставете ги околу 10 минути да отстојат, а потоа исечете ги на парчиња. По желба во компирите можете да вмешате и чадени печурки и помали коцки сланина.
Распоредете ги рамномерно парчињата по врвот, посипете ги со рендан кашкавал и со парчиња путер. Ако печената торта ви се чини недоволно сочна, додека е уште врела залијте ја со малку млеко, па вратете ја во исклучената, загреана рерна.