Интересна и превкусна салата благодарение на велигденските јајца. Ако сакате да експериментирате во кујната, оваа салата е вистинскиот избор. Интересна комбинација на состојки како ананас, варени јајца и шунка го прават ова предјадење едноставно неодоливо и идеално за секаква трпеза. Салатата ќе ја направите за помалку од половина час, а можете да ја послужите и како оброк.

Состојки:

– 6 јајца
– 6 парчиња конзервиран ананас
– 100 грама шунка
– 200 грама замрзната пченка
– 1 целер
– 2 лажици јогурт
– 2 лажици мајонез

Подготовка:

Сварете пченка. Исечкајте ги јајцата, шунката и изрендајте го целерот. Во сад измешајте ги ситно сечканите јајца, пченката, шунката, сечканиот ананас и целерот. Додадете јогурт и мајонез, а потоа посолете и побиберете. Сè добро измешајте.