Рецепт за путер од кикиритки, направете го од само една состојка
Путерот од кикиритки добива сѐ поголема популарност кај нас како состојка во разни јадења, закуски и десерти. Здрав е, а често се користи и како замена за путер или маргарин при правење колачи или торти.
„Кралот на рокенролот“ Елвис Присли го обожавал овој популарен намаз, а Американците најчесто го мачкаат на тост со џем.
Една од најголемите предности е што путерот од кикиритки, во најосновна форма, е направен од мелени кикиритки. Други адитиви, освен малку сол по вкус, нема.
Богат е со хранливи материи и е силен извор на протеини и маснотии.
Состојки:
– 3 шолји печени кикиритки
Подготовка:
Отстранете ја лушпата од печените кикирики, па блендирајте додека не направите путер од кикиритки. Постапката трае околу 10 минути, а ако имате несолени кикиритки, претходно посолете ги. По 10 минути вашиот домашен путер од кикиритки е готов.