Рецепт за посни кифлички со спанаќ: Им успева на сите домаќинки
Домашни кифлички меки како памук и неверојатно вкусни. Овој рецепт е толку едноставен и лесен за правење, поради што ќе им успее и на не толку искусните домаќинки.
Препорачано
Состојки:
За тестото:
– 500 г брашно
– 1 ќесичка прашок за печиво
– 1 лажичка сол
– 1 шолја растително млеко
– 1/2 шолја масло
За филот:
– масло за пржење
– 200 г свеж спанаќ
– 200 г тофу сирење
– 1 главица кромид
– 2 чешниња лук
– сол и бибер по вкус
Подготовка:
Прво измешајте ги сувите состојки: брашното, прашокот за печиво и солта.
Во тоа додадете масло и растително млеко, па замесете мазно тесто и покријте го со крпа. Оставете да отстои околу половина час.
Во тава со малку масло пропржете ситно сечкан кромид и лук, а потоа додадете го ситно сечканиот и добро исцеден спанаќ, па пропржете.
Додајте ги тофу сирењето, солта и биберот, па пржете додека убаво не се соедини.
Тестото развлечете го во круг, исечете го на триаголници и на секој додајте по една лажица фил, па свиткајте ги кифличките.
Кифличките печете ги во загреана рерна на 180 степени околу 20-25 минути.
