Во летниот период бараме лесни и освежителни пијалаци, а лимончело шприцер е токму таков коктел. Овој освежителен пијалак се базира на популарниот италијански ликер од лимон и се меша со пенливо вино просеко, лимонада и минерална вода.

Дополнителна длабочина на вкусот му дава лимонот, како и миризливите ливчиња од неодоливиот босилек.

Состојки:

– 60 милилитри ликер од лимончело

– 60 милилитри вино просеко

– 30 милилитри лимонада

– 4 ливчиња свеж босилек

– половина лимон

– малку минерална вода со вкус на лимон

– мраз

Подготовка:

Исечете половина лимон на тенки парчиња. Ставете ги во сад со ливчињата босилек и лимонадата. Изгмечете ги со толчник за вкусовите да се помешаат.

Доколку немате опрема за правење коктел, слободно импровизирајте со садовите што ги имате дома.

Додадете лимончело и мраз во длабок бокал со капак и добро протресете. Добиената течност процедете ја и поделете ја на две чаши. Додадете просеко и малку минерална вода со вкус на лимон. Украсете ја чашата со парче лимон.