Комбинацијата од чоколадо и нескафе во овој чискејк носи богат, кремаст и незаборавен вкус.

Состојки:
Подлога:

– 200 г бисквити
– 1 лажица горчливо какао
– 60 г растопен путер
– 50 мл силно кафе

Фил:

– 2 лажици инстант кафе
– 70 г шеќер
– 60 г пченкарен скроб
– 400 мл млеко
– 200 мл засладена павлака за шлаг
– 100 г темно чоколадо

Прелив (дресинг):

– 2 лажици шеќер
– 2 лажици инстант кафе
– 2 лажици вода

За посипување:

– Какао по вкус

Подготовка:

Комбинацијата од богато чоколадо и благата арома на нескафето го прави овој чискејк посебен десерт кој е лесен за подготовка и ќе ги воодушеви сите љубители на кафе и чоколадо.

Совет:

Користете силно, висококвалитетно инстант кафе за да ја направите аромата поинтензивна, а чискејкот уште повкусен.
Издробете ги бисквитите и измешајте ги со какао, растопениот путер и кафето за да добиете изедначена маса. Притиснете го на дното од калапот за чискејк и оставете го во фрижидер да се стегне.
Загрејте го млекото со шеќер и инстант кафе во тенџере, потоа додалте го пченкарниот скроб разматен во малку ладно млеко. Мешајте додека филот не се згусне. Тргнете од оган и вмешајте го ситно исечканото темно чоколадо додека целосно не се растопи. Оставете го филот малку да се излади. Изматете ја засладената павлака за шлаг и внимателно додајте ја во изладениот фил. Филот намачкајте го врз подлогата од бисквити и вратете го во фрижидер неколку часови, најдобро преку ноќ.

За преливот, загрејте ги шеќерот, инстант кафето и водата додека шеќерот не се раствори и оставете да се излади. Пред сервирање, прелијте го подготвениот прелив врз тортата и посипете какао одозгора.