Рецепт за бомбици од суви смокви, бадеми и брусница
За сите љубители на брзински сирови и здрави деликатеси. Едноставни за правење, декоративни и долго се одржуваат без да се менува нивната состојба.
Па, доколку сакате суви смокви и генерално суво овошје и јаткасти плодови, задолжително пробајте ги овие топчиња или бомбици, сигурни сме дека ќе ви се допаднат… Уживајте!
Состојки:
– шолја суви смокви
– шолја бадеми
– четвртина шолја какао во прав
– малку цимет
– малку сува брусница
– лажица екстракт од ванила
Подготовка:
Сувите смокви исчистете ги од дршките, прелијте ги со врела вода, оставете ги да отстојат десетина минути, па исцедете ги.
Во меѓувреме, бадемите измиксајте ги во блендер со какаото, циметот и ванилата. Додадете ги смоквите и брусницата и миксирајте додека не се добие еднолична смеса. Формирајте топчиња и послужете.