Несоницата е едно од најчестите нарушувања на спиењето и се карактеризира со тешкотии при заспивање, чести будења во текот на ноќта, рано утринско будење или чувство на ненаспаност и покрај доволното време поминато во кревет.

Повремените проблеми со спиењето се нормален дел од животот, особено во периоди на стрес и зголемени обврски.

Меѓутоа, кога несоницата трае подолг период и почнува да влијае врз концентрацијата, работната способност, расположението и секојдневното функционирање, потребно е да се побара стручна помош.

Кои се можните причини за несоница?

Несоницата може да биде последица на различни телесни и психички состојби.

Телесни причини:

• хронична болка
• заболувања на срцето и на белите дробови
• нарушувања на тироидната жлезда
• шеќерна болест и други ендокрини заболувања
• гастроезофагеален рефлукс
• невролошки заболувања (како Паркинсонова болест, мултиплекс склероза или последици од мозочен удар)
• хормонални промени (како менопауза и сл.)
• употреба на одредени лекови, кофеин и други стимуланси

Психички причини:

• стрес и преоптовареност со обврски
• анксиозност и постојана загриженост
• депресија
• емоционални кризи и животни промени
• трауматски искуства
• други психијатриски состојби

Важно е да се знае дека несоницата не е само симптом, туку може да стане и самостоен здравствен проблем што значително го нарушува квалитетот на животот, психичкото здравје и физичката благосостојба.

Индивидуален пристап во третманот

Бидејќи причините за несоница се различни кај секој човек, потребна е внимателна процена и индивидуален пристап во третманот. Психијатрискиот преглед овозможува препознавање на факторите што придонесуваат за нарушувањето на спиењето и изработка на план за лекување приспособен на потребите на секој пациент.

Доколку подолг период се соочувате со тешкотии при спиењето, не занемарувајте го овој проблем. Квалитетниот сон е основа за добро ментално и физичко здравје.

Квалитетниот сон не е луксуз, туку основа за добро ментално и физичко здравје.

Закажете психијатриски преглед во Клиника „Жан Митрев“ и добијте стручна проценка, поддршка и индивидуален пристап во третманот на несоницата. За информации и закажување јавете се на тел. 02/3091 484

М-р д-р Марија Костадиновска
Психијатар, психотерапевт