Српскиот претседател Александар Вучиќ ја угости една од најпознатите холивудски актерки, Кетрин Зита-Џонс, за време на нејзината посета на Белград.

По средбата, Вучиќ на социјалните мрежи објави снимка на која може да се види како ѝ подарува букет цвеќе на актерката и позира заедно со неа. Тој истакна дека е особено задоволен што Србија и Белград стануваат сѐ попрепознатливи на мапата на светската филмска индустрија.

„Ми беше исклучително задоволство да угостам една од најголемите холивудски ѕвезди, актерка која и на славниот Зоро му одзеде дел од славата“, напиша Вучиќ во својата објава.

Тој нагласи дека сѐ поголем број продуценти, режисери и актери ги препознаваат потенцијалите што Србија може да ѝ ги понуди на филмската индустрија.

„Сѐ повеќе продуценти, режисери и актери го откриваат она што ние одамна го знаеме – дека нашата земја нуди врвни локации, талентирани луѓе и гостопримство кое долго се памети“, порача српскиот претседател.

Во шеговит тон, Вучиќ додаде дека Белград наскоро би можел да стане место каде средбите со холивудски ѕвезди ќе бидат речиси секојдневие.

„Ако по утрото денот се познава, наскоро во Белград ќе биде подеднакво веројатно да сретнете холивудска ѕвезда како и сосед од маало“, заклучи тој.

ФОТО | Кетрин Зита-Џонс и Мајкл Даглас уживаат во Монако — холивудскиот пар е во љубов и по 25 години брак