Познатиот американски рапер Ерл Симонс, попознат како „DMX“ кој на 2 април беше хоспитализиран во критична состојба откако се предозирал, денеска почина на 50-годишна возраст.

Раперот и актер, денеска починал во болницата „Вајт Плејнс“ во Њујорк, а веста за неговата смрт ја  потврди и неговото семејство за „People“.

„Со голема тага соопштуваме дека денес нашиот сакан „DMX“ со родено име Ерл Симонс, почина на 50-годишна возраст во болницата „Вајт Плејнс“ со своето семејство покрај него, откако беше ставен на кислородна поддршка изминатите неколку дена“, напишаа тие во изјава.

 

View this post on Instagram

 

A post shared by DMX (@dmx)

Според странските медиуми, „DMX“ се предозирал на 2 април, што предизвикало срцев удар, по што раперот бил итно хоспитализиран.

Според информациите на неговиот менаџерски тим, „DMX“ страдал од астма уште како дете, а во минатото бил хоспитализиран и за други здравствени проблеми, како и за зависност од крек.

„DMX“ беше една од најголемите рап – ѕвезди што се појавија во текот на 90-тите години. Неговиот последен настап беше во јули 2020 година, онлајн, заедно со Снуп Дог. Некои од неговите видеа имаат повеќе од 100 милиони прегледи на „Јутјуб“.