Државата треба да го зачува евроатланскиот курс, опозицијата да не биде деструктивна, вели аналитичарот Исмет Рамадани, зборувајќи за разочараноста на граѓаните од предолгото чекање за отварање на преговорите за членство на државата во Европската Унија (ЕУ).

– Треба да се разбере разочараноста на граѓаните на Република Северна Македонија за долгото чекање за отварање на преговорите за члество со ЕУ. Но, сепак треба да се одржува интеграцискиот курс на државата и да се користи геостратешкиот интерес на ЕУ и САД за Западен Балкан. Зголемувањето на геополитичкиот интерес за Северна Македонија ќе амортизира уште поабсурдни барања од страна на Бугарија, изјави Рамадани за „Слободен печат“.

Според него, во овие мигови и опозицијата треба да биде внимателна во своите постапки, да не биде деструктивна и да презема одговорности за идеалната можност за почеток на преговорите за членство со ЕУ.