Поранешниот главен инспектор на Косовската разузнавачка агенција, Бурим Рамадани, оценува дека конструктивното однесување на Косово значи добивање поддршка од меѓународните сојузници за членство во меѓународните организации, додавајќи дека Косово мора да работи на добивање акциски план за членство во НАТО, пренесува Теве1.

Рамадани вели дека Косово не може да се приклучи на меѓународни или регионални организации без поддршка од пријателите.

Запрашан дали Косово може да аплицира за членство во Интерпол во овој момент, Рамадани вели дека поддршката и лобирањето мора да има однапред.

„Процедурално Косово може повторно да аплицира до Интерпол, но му треба поддршка, му требаат гласови бидејќи е истиот процес на гласање како и за другите организации. Однапред ни треба процес на лобирање, конструктивно однесување во однос на партнерството со сојузниците, но јас мислам дека Косово, освен Советот на Европа, треба многу јасно и упорно да цели кон добивање акциски план за членство во НАТО“, посочи Рамадани.

Тој додаде дека за ова е неопходно да се отвори политички дијалог меѓу НАТО и Косово.

„И покрај тоа што ОДКБ е изградена и консолидирана врз принципите и стандардите на НАТО, за членството ќе бидат потребни и одредени реформи, политички или законодавни“, нагласи Рамадани.