Ракометарките со победа над Алжир го завршија настапот на Медитеранските игри

Женската ракометна репрезентација на Македонија го заврши настапот на Медитеранските игри во Оран, Алжир освојувајќи го седмото место.

Селекторот Љубомир Савевски кој во Оран настапи со кадетки и младинки, во последниот натпревар, за седмото место со 31:23 го совлада домаќинот Алжир. Ова воедно беше прва победа за ракометарките, претходно во групната фаза тие загубија од Турција, Португалија и Србија.

Резултатската неизвесност беше присутна во првите дваесетина минути кога ракометарските водеа со минимални 13:12, за во последните минути од првиот дел Дукоска и Миновска со по два гола ја однесоа Македонија на одмор до предност од 17:12.

Дилемите околу победникот беа решени во првите десет минути од второто полувреме кога Македонија не прими ниту еден гол, а притоа постигна шест и дојде до двоцифрена предност (23:12) по што рутински го приведе натпреварот до крајот. Теодора Дукоска со осум и Сара Миновска со пет гола беа најпрецизни во редовите на Македонија, додека Борјана Коцева, Емилијана Ризоска и Јована Кипријановска дадоа по четири.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот