Ракометарите негативни на ковид-19 пред мечот со Финска
Во пресрет на квалификациските натпревари за обезбедување пласман на Европското првенство 2022 против репрезентациите на Финска и Швајцарија, согласно протоколот од ЕХФ и протоколот за спроведување на ракометните натпревари, Ракометна Федерација на Македонија ги спроведе последните тестирања за детекција на вирусот ковид-19.
Сите резултати на спроведените тестови на ракометарите и стручниот штаб се негативни, воедно селекцијата на Финска го потврди списокот на делегацијата која пристигнува и се со негативни тестови, информираат од РФМ.
Првиот натпревар на Македонија од квалификациите во групата „7“ за учество на наредното ЕП против Финците ќе биде в среда (4 ноември) со почеток од 20.00 часот во СЦ „Борис Трајковски“ – Скопје.
Брестовац го повика Георгиевски за дуелите со Финска и Швајцарија
Во истиот термин селекцијата на Данска е домаќин на Швајцарија. Потсетување во второто коло играме против Швајцарците в сабота од 18.30 часот на гостински терен.
Од нашата федерација повторно напоменуваат дека согласно Протоколите за спроведување на натпревари донесени од Владата и документот издаден од Европската Ракометна Федерација „EHF Hygiene Concept“ за спроведување на натпревари не е предвидена прес-конференција/брифинг со медиуми.