Ракометарите на Египет ги шокираа Германците и си закажаа полуфинална пресметка со Франција
Ракометната репрезентација на Египет приреди изненадување во нокаут фазата и ја совлада фаворизираната Германија со 31:26. Победата за Египет значи пласман во полуфиналето каде ги чека Франицја.
Египетските ракометари во дуелот со Германија, влегоа без страв и без комплекси, успеаја да го наметнат својот стил на игра и го добија првото полувреме со 16:12.
Кога сите ракометни фанови очекуваа Германците во вториот дел да возвратат, Египет кон средина на второто полувреме водеа со 22:17.
Високата негатива ги натера Германците во обидот што побрзо да се вратат во игра, да направат голем број на грешки кои противникот сурово ги казнуваше и рутински го приведе натпреварот до крајот.
Најдобри кај репрезентацијата на Египет беа Али Мохамед и Јахја Омар со по пет постигнати голови, Мохамед Санад и Јехија Елдер со по четири голови. Во тимот на Германија подобри од останатите беа Јулиус Куев со шест и Јохан Гола и Марсел Шилер со по пет постигнати голови.
Во полуфиналето кое ќе се игра на 5. август ќе играат Египет – Франција и Данска – Шпанија.