Ракометниот клуб Алкалоид покрај редовните тренинзи, почна да ја темпира формата за новата сезона и со одигрување на пријателски натпревари.

Како што беше најавено од клубот, после подготовките Скопје и Маврово, играчите на тренерот Кирил Лазаров ќе имаат мини турнеја во Србија и Хрватска во која се планирани осум контролни натпревари со екипи од Србија, Хрватска и Словенија.

Во салата „Партизан“ во Лесковац, Србија, ракометарите на Алкалоид беа подобри против РК Дубочица 54 со резултат 49:32.

Тренерите на двете екипи одлучија овој контролен меч да се игра во три дела по 25 минути.

Натпреварувачката сезона за РК Алкалоид официјално ќе почне на 31 август со гостински дуел кај германскиот ТСВ Хановер Бургдорф во квалификациската рунда за ЕХФ Европската лига, а првиот европски меч на домашен терен ќе го одигра седум дена подоцна во Скопје.