Ракометарите на Аеродром не го одиграа натпреварот против Еурофарм Пелистер 2
Денеска требаше да се игра натпреварот од првото коло во плеј-аут во македонската ракометна Суперлига помеѓу екипите на Аеродром и Еурофарм Пелистер 2.
Но, но истиот не се одигра, а пред стартот играчите на Аеродром во салата во ФФК подигнаа транспарент на кој пишуваше „Дигни руке“.
– Нека знае цела македонска јавност дека Аеродром не се откажува од натпревари, дека тоа е по насоките на генералниот секретар на РФМ. Натпреварот од тие причини нема да се одигра. Се извинувам на гостите што ги измалтретиравме“ беа зборовите на претседателот на РК Аеродром, Дарко Петровски.
Сè уште нема никаква информација од Ракометната федерација на Македонија зошто овој натпревар не е одигран.
Битолчани објавија дека Еурофарм Пелистер 2 службен го доби натпреварот со тимот на Аеродром.