Турскиот суперлигаш Тофаш, предводен од нашиот стратег Емил Рајковиќ, запиша уште една голема победа во националниот шампионат, совладувајќи го Анадолу Ефес со 86–79.

Екипата на Рајковиќ го скрши отпорот на противникот во последната четвртина, која ја доби со убедливи 27–19, по израмнетото прво полувреме што заврши 47–47.

Мексиканецот Алекс-Перез Кауфман беше главната фигура кај домаќините со 18 поени и девет асистенции, додека во составот на тимот на Игор Кокошков се истакна Џордан Лојд со 12 поени.

Ова е петта победа за Тофаш во тековната сезона, додека Анадолу Ефес сега има биланс од шест триумфи и три порази.

Преземено од: Спорт.ком.мк