Познатиот актер Рајан Рејнолдс одлучи да донира 30 отсто од вкупните приходи од продажбата на својот џин „Aviation“, на сите келнери и шанкери кои поради пандемијата од Ковид 19 останаа без работа.

Откако тој и неговата сопруга Блејк Лејвли донираа милион долари во хуманитарни организации кои се грижат за луѓе кои ја загубиле работата поради коронавирусот, Рејнолдс одлучи уште еднаш да покаже емпатија и солидарност.

Тој преку Твитер соопшти дека 30 отсто од продажбата на својот џин ќе им го донира на шанкерите и келнерите кои моментално се без работа.

Another important message from an important celebrity. Let’s spread the word not the virus. I happily nominate, @stevenpage @Sethrogen and @TerryR49776917 #PlankTheCurve #StayAtHomeSaveLives pic.twitter.com/IRJNI9Y6G9

— Ryan Reynolds (@VancityReynolds) March 23, 2020

„Мораме заедно да се бориме за да го совладаме Ковид 19 и да ја подобриме ситуацијата во светот. Мислам дека сите знаеме оти во овие кризни моменти можеме да им веруваме на популарните личности, бидејќи тие помагаат најмногу. Секако, пред нив се здравствените работници, пожарникарите и полицајците“, започна Рејнолдс во свој стил.

Потоа, славниот актер ги повика луѓето во своите домови да одржуваат хигиена и физичка дистанца од други луѓе.

„Заедно ќе се избориме со ова“, порача Рејнолдс.