ФОТО | Раде Шербеџија со неговата сопруга прославија 30 години брак: Сè уште се држиме за раце
Раде Шербеџија и Ленка Удовички прославија 30 години брак, а по тој повод актерот и музичар објави емотивна порака на својата официјална страница на „Фејсбук“.
– 30-годишнина од венчавката моја и на Ленка… Се венчавме во Белград на 29 јуни 1991 година… Менувавме градови и земји. Имаме три деца. Направивме сопствен театар на најубавиот остров на Јадранското Море. Имаме прекрасно семејство. Имаме и доволно вистински пријатели. И ние сè уште се држиме цврсто за рака…, стои во објавата на Шербеџија.
Заедно со пораката, Шербеџија ја сподели и песната „Филипа Кjајиша 32“, која е посветена на неговата сопруга Ленка, и е именувана по улицата каде што живеела кога се запознале.
View this post on Instagram
Шербеџија е 20 години постар од неговата сопруга. Уште кога се запознале во Суботица во 1990 година, тие едноставно знаеле дека се создадени еден за други. Парот се венчал кога актерот имал 43 години, а Ленка 23. Раде и Ленка Шербеџија во бракот имаат три ќерки – Милица Алма, Нина и Вања. Од првиот брак, Раде ги има ќерката Луција и синот Данило.